સાંપ્રત સામાજિક પરિસ્થિતિનું સત્તાના મદનું એક શબ્દચિત્ર – ઊધઈગીરી

સાંપ્રત સામાજિક પરિસ્થિતિનું સત્તાના મદનું એક શબ્દચિત્ર તમારા સામે મૂકું છું.

ઊધઈગીરી

• હે! જાતિવાદી જનક મનુના માનસ પુત્ર થોભી જા.
• દેશમાં ફેલાયેલું પ્રદૂષણ એટલું ખતરનાક નથી જેટલો ખતરનાક છે તારો દેશપ્રેમ.
• ભલે તું રોજ કપાળે ‘સફેદ,લાલ અને પીળા’, ‘આડા, ઊભા અને ગોળ’ લીટાં તાણી ત્રણેય ટંક દેશની માટીના સોંગંદ ખાતો હોય,
• પણ તારા ફૂલેલાં પેટમાંથી નીકળતો ઓડકાર કહે છે તું ઊધઈની જેમ દેશ ખાઈ રહ્યો છે.
• હમણા હમણાથી તારી “ઊધઈગીરી” ઉછળી ઉછળીને બહાર આવી રહી છે.
• તે જાતે તને સ્વઘોષિત કરી દીધો છે દેશનો એકમાત્ર વારસદાર.
• પણ, દેશમાં તે ઠાલવેલી વિચારોની ગંદકીનો ઉકરડો મોટો થતો જાય છે.
• તું કહે છે કોણે શું ખાવું-પીવું, શું પહેરવું-બોલવું, શું માનવું-પૂજવું.
• તને યાદ નથી, મનુસ્મૃતિ તો અમે કયારની સળગાવી નાખી છે.
• ને તું એમ માને છે કે, હું હજીએ ગામ છેવાડે રહું છું.
• તારો ઉકળાટ બતાવે છે તને આજેય એકલવ્યના અંગૂઠામાંથી ટપકેલા લોહીની બીક લાગે છે.
• સમય છે થોભી જા.

– નિલેશ કાથડ, જૂનાગઢ