ઉલગુલાન | ઊઠ!ઉભો થા! તારા ડુંગર-નદીઓ સાદ કરે-તારી માટી લૂંટાય!

Wjatsapp
Telegram

ઉલગુલાન

ઊઠો,
તીર અને તલવારથી આંસુઓ લૂછી નાંખો.
ટોળે વળી, છાતી કૂટવાની બંધ કરો.
શું થાશે એ વિચારવાનું બંધ કરો.
હવે બૂગીયો ઢોલ પીટવો પડશે.
કુરરરર….કુરરરર….,
સૂતા લોકોને જગાડવા પડશે.
સત્યનું ધગધગતું સીસું એમના કાનમાં રેડવું પડશે.
ગુલામીની બેડીઓ તોડવી પડશે.
‘ઉલગુલાન’ કરવું પડશે.

યાદ કરવા પડશે,
માતૃભૂમિના ક્રાંતિવીર, મહાયોદ્ધાઓને,
બિરસા મુંડા, રાણા પુંજા, તંત્યા મામા, હલ્દીબાઈને,
શ્વાસોના હણહણતા ઘોડા પલાણવા પડશે.
કેદ થઈ ગયેલી માતાને છોડાવવી પડશે.
બલિદાન તારી ઓળખ છે,
બલિદાન તારે આપવું પડશે.

તારા હાથોમાં,
તારી કોટોમાં,
તારા માથે,
તારા ખભે,
તારી કેડે,
ધરી લે તારા શૂરવીરનો શણગાર,
હજી કેટલો સહીશ માટીનો સંહાર.

Sharuaat Book Store પરથી પુસ્તકો મેળવવા અહીં ક્લીક કરો.

હે ! સાંભળ માટીના મરદ
તારી માટી લૂંટાઈ રહી છે.
ઊઠ,ઊભો થા,
તારા ડુંગર તને સાદ કરે છે.
તારી નદીઓ તને સાદ કરે છે.
દોડ જા એને ભેટી પડ
ઉલગુલાન કર
જા એને આઝાદ કર

✍️ પ્રવીણસિંહ ખાંટ “પ્રસુન્ન રઘુવીર”

Sharuaat

સેંકડો યુવાનો છે જે ખરેખર પરિવર્તનનું કામ કરી રહ્યા છે અથવા તો આ વ્યવસ્થાને બદલવા રસ્તો શોધી રહ્યા છે. આવા યુવાદીપકો થકી બીજા યુવાઓને જગાડવા છે, ભ્રષ્ટ વ્યવસ્થા સામે લડતા કરવા છે. સાથે સાથે જે યુવાનોને યોગ્ય પ્લેટફોર્મ નથી મળી રહ્યું તેમને પણ મદદ કરવી એવો અમારો આશય છે. રાજકીય, સામાજિક, કળા, સાહિત્ય, IT, સોસીઅલ મીડિયા, વિજ્ઞાન, સંશોધન, વિગેરે એમ દરેક ક્ષેત્રમાં, યુવાનો માટે જે અગણિત સંભાવનાઓ છુપાયેલી છે, એ તેમને આ મેગેઝીનના માધ્યમથી તેમના હાથની હથેળી સુધી પહોંચાડવી છે. આ આર્ટીકલ વિષે તમારા પ્રતિભાવો કોમેન્ટમાં જરૂરથી લખજો. જય ભારત યુવા ભારત યુવાશક્તિ ઝીંદાબાદ કૌશિક પરમાર સંપાદક ૮૧૪૧૧૯૧૩૧૧

You may also like...

2 Responses

  1. Pravinbhai k. Makwan says:

    ઉલ ગુલાન એટલે શું??

  2. Pravinbhai k. Makwana says:

    જોમ જુસ્સા સભર ,જબ્બર લેખનકળા..👌👌

Leave a Reply

Your email address will not be published. Required fields are marked *