કવિતા | ચાલ છે બધી…!

Wjatsapp
Telegram

ચાલ છે બધી….!
પુરુષ પ્રધાન સમાજ દ્વારા સુનિશ્ચિત આયોજિત ચાલો છે બધી,
નાનપણથી જ ટોકવામાં આવી છે,
તું છોકરી છે તારે આમ ના કરાય,
તારે તો ફક્ત પુરુષ પ્રધાન સમાજ દ્વારા ઘડાયેલ નિયમોનું પાલન જ કરાય,
ચાલ છે બધી….!
વ્રતો, ગ્રંથોમાં ઉલજાવી રાખી,
ધર્મનું અફીણ પીવડાવી રાખી,
મગજને તે જ માર્ગે દોરી રાખવાની,
ચાલ છે બધી….!
ચાર દીવાલોમાં રોટલા ઘડાવી,
સામાજિક,આર્થિક સ્તરે પછાત રાખી,
શરીર સાથે ફક્ત સંબંધ બાંધવાની,
ચાલ છે બધી….!
ફલાણા જ્ઞાતિ,ફલાણા સમાજ,ફલાણા દેશની “ઈજ્જત”,
ઈજ્જતનાં નામે બેઇજ્જત કરવાની,
ચાલ છે બધી….!
ફક્ત ને ફક્ત સંપત્તિ સાચવવા વારસદારો પેદા કરવાની,
ચાલ છે બધી….!
માથે લોટનો ડબ્બો મૂકી,
કે માથે પાણીનાં ઘડા મૂકી,
સતત ગૃહ શ્રમમાં વ્યસ્ત રાખવાની,
ચાલ છે બધી….!
વર્ષોનાં વર્ષથી ગુલામીની બેડીઓમાં કેદ રાખી,
અદબ અને મોં ઉપરથી આંગળી ના હટવા દેવાની,
ચાલ છે બધી….!
ચાલ બધી જ બાતલ જવાની,
પુરુષ પ્રધાન સમાજ સામે સવાલનો પર્વત ઊભી કરવાની,
જ્વાળાની જેમ આક્રોશ ફાટી નીકળશે સ્ત્રીઓમાં,
એ આક્રોશ સાથે પુરુષ પ્રધાન સમાજ તોડી,
એક સુંદર સમાજની રચના થવાની…!

            લિ. જયરાજ_રાજવી
            તારીખ -1/03/2021
             સમય - 2:09 AM

Sharuaat

સેંકડો યુવાનો છે જે ખરેખર પરિવર્તનનું કામ કરી રહ્યા છે અથવા તો આ વ્યવસ્થાને બદલવા રસ્તો શોધી રહ્યા છે. આવા યુવાદીપકો થકી બીજા યુવાઓને જગાડવા છે, ભ્રષ્ટ વ્યવસ્થા સામે લડતા કરવા છે. સાથે સાથે જે યુવાનોને યોગ્ય પ્લેટફોર્મ નથી મળી રહ્યું તેમને પણ મદદ કરવી એવો અમારો આશય છે. રાજકીય, સામાજિક, કળા, સાહિત્ય, IT, સોસીઅલ મીડિયા, વિજ્ઞાન, સંશોધન, વિગેરે એમ દરેક ક્ષેત્રમાં, યુવાનો માટે જે અગણિત સંભાવનાઓ છુપાયેલી છે, એ તેમને આ મેગેઝીનના માધ્યમથી તેમના હાથની હથેળી સુધી પહોંચાડવી છે. આ આર્ટીકલ વિષે તમારા પ્રતિભાવો કોમેન્ટમાં જરૂરથી લખજો. જય ભારત યુવા ભારત યુવાશક્તિ ઝીંદાબાદ કૌશિક પરમાર સંપાદક ૮૧૪૧૧૯૧૩૧૧

You may also like...

Leave a Reply

Your email address will not be published. Required fields are marked *