કવિતા | ભક્તિ રે કરવી એણે મગજ ગીરવે મૂકવું રાણાભાઈ

Wjatsapp
Telegram

ભક્તિ રે કરવી એણે મગજ ગીરવે મૂકવું રાણાભાઈ,
અથવા મેલવું એને તાળા કુંચીએ રે,
સાહેબ ચરણકમલમાં શીશ નમાવીને
કર(જીએસટી) આપી લાગવું પાય રે… ભક્તિ રે કરવી એણે

જાતિપણું વધારી જાતિવાદી થાવું ને
કરવો હંમેશા વર્ણ વિકાર રે,
જાતિની ભ્રાંતિ જ ખરી હરિ કેરા દેશમાં
એવી રીતે રહેવું એનું નિર્માણ રે…. ભક્તિ રે કરવી એણે

ને’રુના અવગુણ જે હંમેશા જોયા કરે
એવા એરુને કહીએ સાહેબ કેરા દાસ રે,
સ્મૃતિ ને મનુસ્મૃતિ વસે જેના ઉરમાં રે
એનો દ્રઢ રે કરવો અવિશ્વાસ રે… ભક્તિ રે કરવી એણે

Sharuaat Book Store પરથી પુસ્તકો મેળવવા અહીં ક્લીક કરો.

ભક્તિ કરો તો એવી રીતે કરજો રાણાભાઈ
રાખજો વચનમાં મારા વિશ્વાસ રે,
રાઓલજી એમ કરી બોલીયા રે રાણાભાઈ
ભક્તજન સાહેબ કેરા દાસ રે.. ભક્તિ રે કરવી એણે

સોરી ગંગાસતી+પાનબાઈ, જરા મોડીફાઈડ પેરોડી કરવા બદલ.

– ભૂપેન્દ્રસિંહ રાઓલ

Sharuaat

સેંકડો યુવાનો છે જે ખરેખર પરિવર્તનનું કામ કરી રહ્યા છે અથવા તો આ વ્યવસ્થાને બદલવા રસ્તો શોધી રહ્યા છે. આવા યુવાદીપકો થકી બીજા યુવાઓને જગાડવા છે, ભ્રષ્ટ વ્યવસ્થા સામે લડતા કરવા છે. સાથે સાથે જે યુવાનોને યોગ્ય પ્લેટફોર્મ નથી મળી રહ્યું તેમને પણ મદદ કરવી એવો અમારો આશય છે. રાજકીય, સામાજિક, કળા, સાહિત્ય, IT, સોસીઅલ મીડિયા, વિજ્ઞાન, સંશોધન, વિગેરે એમ દરેક ક્ષેત્રમાં, યુવાનો માટે જે અગણિત સંભાવનાઓ છુપાયેલી છે, એ તેમને આ મેગેઝીનના માધ્યમથી તેમના હાથની હથેળી સુધી પહોંચાડવી છે. આ આર્ટીકલ વિષે તમારા પ્રતિભાવો કોમેન્ટમાં જરૂરથી લખજો. જય ભારત યુવા ભારત યુવાશક્તિ ઝીંદાબાદ કૌશિક પરમાર સંપાદક ૮૧૪૧૧૯૧૩૧૧

You may also like...

2 Responses

  1. Govind Maru says:

    વહાલા સમ્પાદકશ્રી,
    આપની વેબસાઈટ ‘SHARUAAT’ના કેટલાક લેખો મને ગમ્યા… સરસ છે. ગુજરાતીમાં કમીટમેન્ટ સાથે–પુરી સમર્પીતતાથી, ‘રૅશનાલીઝમ’ અને ‘વૈજ્ઞાનીક અભીગમ’નો અવીરત પ્રચાર–પ્રસાર કરતો એકમાત્ર ‘અભીવ્યક્તી’ બ્લૉગ https://govindmaru.com/ છે. મારી અનુકુળતાએ ‘અભીવ્યક્તી’ બ્લૉગ પર ‘રૅશનલ જોડણી’ (એક જ ‘ઈ’ અને ‘ઉ’)માં આપની વેબસાઈટના લેખો પ્રગટ કરવાની મારી ઈચ્છા છે. હું દરેક લેખમાં લેખક અને પ્રકાશકશ્રીનું પુરું નામ, ફોન નંબર અને ઈ–મેઈલ આઈડી સહીતનું સૌજન્ય સ્વીકારું છું. તે માટે મારે લેખકની અનુમતી મેળવવાની થાય છે. જેથી દરેક લેખકના નામ સાથે ઈ.મેલ આઈડી અને વોટ્સએપ નમ્બર લખવા વીનન્તી છે.
    ધન્યવાદ.
    –ગોવીન્દ મારુ

    • Sharuaat says:

      આપશ્રી,અમારા કોઈપણ આર્ટિકલ અમને પૂછ્યા વગર sharuaat.com અને લેખકશ્રીના સૌજન્ય સાથે બિન્દાસ લઈ શકો છો.

Leave a Reply

Your email address will not be published. Required fields are marked *