શ્રધ્ધા, અંધશ્રધ્ધા કે ધર્મના નામે અંધકારમય જીવન

Wjatsapp
Telegram

દુનિયામાં જ્યારે એક બાળકનો જન્મ થાય છે. ત્યારે એજ બાળકમાં કોઈ ડોક્ટર, એન્જિનિયર, ક્રિકેટર, વિજ્ઞાાનીક કે એક મોટો વ્યવસાયિકનો પણ જન્મ થતો હોય છે. દરેક બાળકનુ દિમાગ પાંચ થી છ વર્ષની ઉંમર સુધી ફક્ત કોરી સ્લેટ હોય છે. તેને જે પણ શીખવાડો, તે આ સમય દરમિયાન તેના દિમાગમાં ફીટ કરી લેતો હોય છે. નાના બાળકો પોતાના પરિવારના લોકોને પોતાનો આદર્શ માને છે અને તેમના જેવુંજ અનુસરે છે. નાના બાળકોને ઇશ્વર, ભૂત – પ્રેત જેવુ કઈ હશે તેવી જાણ પણ નથી હોતી.

તેમને આ બધુ મળે છે તેમના આસપાસના વાતાવરણમાંથી. નાના બાળકો ને જન્મના કેટલાક કલાકમાં જ નૈવધથી લઈ પાંચ વર્ષના પૂર્ણન સુધીમાં બાબરી જેવી ધાર્મિકતાથી બાંધી લેવામાં આવે છે. આ બાળક પણ આવા ધાર્મિક રિવાજો ને સમજવા લાગે છે. પોતાના સામાજિક જીવનનો હિસ્સો માનીને આવા ધાર્મિક રિવાજોનુ ગ્રહણ કરતો જાય છે. હવે આ બાળક વિજ્ઞાાનીક સિદ્ધાંતોને ભૂલી એક આધ્યાત્મિક માર્ગ તરફ વધતો જાય છે. કોઈ કાર્ય થાય, કે પછી ના થાય તો તેની પાછળનો જવાબદાર ઇશ્વરની મંજૂરીને માનતો જાય છે. પણ આ બાળક દ્વારા થવુ એમ જોઈતુ હતુ, કે કોઈ કામ કેમ થયુ ગયુ અને કોઈ કામ કેમ ના થયુ? તેની પર બાળક દ્વારા વિચાર થવો જોઈતો હતો. જેમ જેમ આ બાળક મોટો થતો જાય છે તેમ તેમ આ બાળક હવે પોતાના દ્વારા કરેલા કાર્યો પર વિશ્વાસ ના રાખીને પોતાના નસીબ પર વિશ્વાસ રાખતો થાય છે.

બસ, અહીંયા જ, જે બાળકનો જન્મ થયો હતો. એજ બાળકમાં કોઈ ડોક્ટર, એન્જિનિયર, ક્રિકેટર, વિજ્ઞાાનીક કે એક મોટો વ્યવસાયિકનો પણ જન્મ થયો હતો. હવે ફક્ત બાળક જીવે છે અને બાકી બધા મરી જાય છે.

હકીકતમાં જોઈએ તો બાકી બધાની હત્યા થાય છે અને તેની હત્યા આપણે જ કરી રહ્યા છે, અને આ હત્યામાં આપણે ઉપયોગ કરીએ છીએ તે હથિયાર છે અંધશ્રદ્ધા અને તેને પોષનાર ધર્મો.

દેશના દરેક નાગરિકે હવે વિચાર કરવો જરૂરી છે, કે એ જે ધર્મમાં માને છે, તે ધર્મ છે કે ધંધો? વિચાર કરવો જરૂરી છે.

– રાજુ પ્રીતમપુરા

Sharuaat

સેંકડો યુવાનો છે જે ખરેખર પરિવર્તનનું કામ કરી રહ્યા છે અથવા તો આ વ્યવસ્થાને બદલવા રસ્તો શોધી રહ્યા છે. આવા યુવાદીપકો થકી બીજા યુવાઓને જગાડવા છે, ભ્રષ્ટ વ્યવસ્થા સામે લડતા કરવા છે. સાથે સાથે જે યુવાનોને યોગ્ય પ્લેટફોર્મ નથી મળી રહ્યું તેમને પણ મદદ કરવી એવો અમારો આશય છે. રાજકીય, સામાજિક, કળા, સાહિત્ય, IT, સોસીઅલ મીડિયા, વિજ્ઞાન, સંશોધન, વિગેરે એમ દરેક ક્ષેત્રમાં, યુવાનો માટે જે અગણિત સંભાવનાઓ છુપાયેલી છે, એ તેમને આ મેગેઝીનના માધ્યમથી તેમના હાથની હથેળી સુધી પહોંચાડવી છે. આ આર્ટીકલ વિષે તમારા પ્રતિભાવો કોમેન્ટમાં જરૂરથી લખજો. જય ભારત યુવા ભારત યુવાશક્તિ ઝીંદાબાદ કૌશિક પરમાર સંપાદક ૮૧૪૧૧૯૧૩૧૧

You may also like...

Leave a Reply

Your email address will not be published. Required fields are marked *